長毛講2009十一衝突事件（筆錄）

Youtube Link:

http://www.youtube.com/watch?v=Bx95XCe0ZpU&feature=player_embedded#

(由於該講話長達近九分鐘,故本人筆錄講話內容,方便各位了解此次事件的來龍去脈)
社民連等與警方在中聯辦附近衝突後 長毛見記者講話 -- 2009.10.01

長毛：「......支聯會主辦抗議中共60周年所謂國慶的遊行,我地係行係隊尾。我 有責任向新聞界講出當時的情況。

咁當我地係去到西區警署的時候，警方已好有意識咁攔左我地，將我地同支聯會 的隊伍分割左。
係今日支聯會主辦的示威，我地社會民主連線同埋我地朋友係抬住一副黑色棺材 ，係抗議中共一黨專政，係令到我地的同胞受害，我地要求佢地平反六四，釋放 政治犯。我地的棺材上面寫住「屠夫政權遺臭萬年人民英雄永垂不朽」同埋「 中共專政六十冥壽」的字眼，亦有個英文的牌，亦有面平反六四的旗係到。

當我地的隊伍去到西區警署的時候，警方係以交通的理由，將我地同支聯會的主 隊伍分割左。到我地行近呢一個中聯辦的時候，警方的人員同我地講，副棺材係 唔俾帶去中聯辦的門口，佢有個示威區俾我，問我意見係點，我話去到個到睇下 先啦。我話個棺材係我地表達意見的工具，無理由係剝奪我地透過一個我地認為 可以表達我地意見的物件去表達我地意見的權利。

咁點知一去到，警方突然間出左黎封鎖左啦，之係我地被困左係呢一個佢地設置 的示威區，係離開中聯辦正門大約四十呎到。咁我地當時係被圍困。咁本身黎講 我地呼籲呢個支聯會的常委係同警方交涉，因為我地係參加緊一個佢地申請的合 法遊行。我地同支聯會對於中共一黨專政的態度係一模一樣，只不過係表達意見 的方式不同，所以支聯會的常委有幾個出黎交涉。
及後，我地係度等待。支聯會的常委係呼籲所有係我地隊伍後尾的人，如果喜歡 的話係可以越過我地去度中聯辦門口綁黑絲帶，如果鍾意支持我地就留低，呢個 就係佢地個講法。咁我地呼籲支聯會的常委，希望佢地不單止爭取北京的人權， 亦都爭取香港的人權，不單止要為國內的同胞謀自由同人權，亦都為香港的伙伴 謀人權及自由。我本身係支聯會常委，呢為先生（按：即張錦雄）亦都係支聯會 常委。好可惜，支聯會無咁樣做。被補的陶君行先生亦都係支聯會常委。咁警方 見到支聯會的態度係咁軟弱同埋瞹昧，佢地變本加厲。

造成衝突係乜嘢呢？就係警方係隊伍向前行左之後，向我地舉起警告牌，話我地 如果停留係佢禁錮我地個個地方係會構成阻塞交通，會構成非法集會罪。咁我地 聽到佢咁講就攞係個棺材向前行，而警方一見到我地擺棺材向前行，係非常之粗 暴咁阻止我地，呢個就係衝突的原因。
我地的人要揸住個棺材係好清楚，邊到有手腳去毆打警員。我地要揸住棺材，佢 地就唔駛揸住棺材。所以陶君行先生變左係第一個受害者。咁跟住亦都有一位示 威者據稱係係中聯辦門口潑水而被拘捕。而劉山青先生同埋另一位先生因為抗議 警方拘補陶君行走左上警車個頂到抗議亦都被警方拘捕。

好明顯今次警方突然間前所未有咁樣粗暴，同埋呢一個高姿態，配備數配於我地 的人力去打壓我地係一個政治的事件。我自己係曾經抬過無數次的棺材去中聯辦 門口，亦都抬過無數次的棺材去到中國外交部駐港的門口。大家傳媒界係睇到， 我係綁左係門口。今日香港己經淪為一個受中共政府左右的司法統領區、執法統 領區。

我地係度再重申一次：不久之前發生係新疆的事今日已經發生係香港。新疆人示 威受到武警鎮壓的記者採訪，係所謂跟蹤採訪、拍攝、煽動群眾、指手劃腳，同 我地今日因為呢一個中共政府唔想係佢所謂建政６０周年的時候，見到一樣佢唔 歡喜的示威物品，係下令特區政府官員，包括警務處處長鄧竟成在內，不惜剝奪 社會民主連線同埋其他示威人士的示威權利。由此而引起的衝突我非常之憤怒。

我係度提出最嚴厲的指責同埋抗議。我亦都希望泛民主派同埋支聯會係能夠明白 到唇亡齒寒的道理，明白到呢一個發生係自己屋企的事，係非常之重要。即係話 香港的人權受到壓制，佢地係不能坐視。

我地社會民主連線再重申一次：我地反對中共一黨專政、要求權力歸於人民、要 求平反六四、要求釋放政治犯的立場係眾所周知的......」